BDKU Toshkent
GIYOHVANDLIKKA – YO‘Q!
Hayot, sog‘liq, ta’lim, ijod va sport – BIZNING TANLOVIMIZ!
BDKU Toshkent filiali yoshlarni sog‘lom kelajakni tanlashga, o‘z hayoti va salomatligini asrashga chorlaydi.
Sog‘lom avlod – O‘zbekistonning yorqin kelajagi!
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
2026-yil 7-oktabr kuni S.A. Gerasimov nomidagi Butunrossiya davlat kinematografiya universiteti Toshkent filialida navbatdagi Rektorlik soati bo‘lib o‘tdi.
Unda ta’lim sifatini yanada oshirish, talabalarni amaliy faoliyatga tayyorlash va zamonaviy ta’lim yondashuvlarini joriy etish masalalari muhokama qilindi.
Yig‘ilish doirasida quyidagi ustuvor vazifalar belgilandi:
– talabalar va professor-o‘qituvchilarning startap va innovatsion loyihalarini qo‘llab-quvvatlash;
-«Karyera kuni» doirasida talabalar ijodiy loyihalari va biznes-rejalarini taqdim etish tizimini yo‘lga qo‘yish;
– talabalar to‘garaklari faoliyatini tizimlashtirish va yangi amaliy yo‘nalishlarni tashkil etish;
– oliy kurslarni rivojlantirish va targ‘ib qilish, zamonaviy kasblarga yo‘naltirilgan ta’lim dasturlarini kengaytirish;
– ta’lim, ijodiy va iqtisodiy imkoniyatlardan samarali foydalanish bo‘yicha yangi biznes modellarini joriy etish;
– ta’lim jarayoniga raqamli texnologiyalar, sun’iy intellekt va zamonaviy dasturiy vositalarni keng joriy etish;
– talabalar ijodiy ishlarining yagona elektron portfoliolar bazasini shakllantirish va ularni milliy hamda xalqaro maydonda targ‘ib qilish;
– kino va kreativ industriyadagi ish beruvchilar bilan hamkorlikni kuchaytirish, amaliyot, stajirovka va bandlik imkoniyatlarini kengaytirish;
– ta’lim sifati va professor-o‘qituvchilar faoliyatini muntazam monitoring qilish.
Belgilangan vazifalarni bosqichma-bosqich amalga oshirish, har bir yo‘nalish bo‘yicha aniq chora-tadbirlar rejasi, mas’ullar va ijro muddatlarini belgilash topshirildi.
Natijada ta’lim sifati va samaradorligini oshirish, talabalarning amaliy va kasbiy ko‘nikmalarini rivojlantirish, ijodiy loyihalarni qo‘llab-quvvatlash hamda bitiruvchilarning karyera imkoniyatlarini kengaytirishga qaratilgan tizimli ishlar yo‘lga qo‘yiladi.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
2026-yil 7-oktabr kuni S.A. Gerasimov nomidagi Butunrossiya davlat kinematografiya universiteti Toshkent filialida talabalar xavfsizligini ta’minlash, xavfsiz ta’lim muhitini yanada mustahkamlash hamda amaldagi xavfsizlik tizimlari samaradorligini oshirish masalalari muhokama qilindi.
Yig‘ilishni filial direktori, professor I. M.Meliqo‘ziyev olib bordi. Yig‘ilish davomida xavfsizlik yo‘nalishida amalga oshirilgan ishlar to‘g‘risida Yoshlar masalalari va ma’naviy-ma’rifiy ishlar bo‘yicha direktorning birinchi o‘rinbosari J. X.Shomurodov axborot berdi.
Direktor tomonidan mas’ullarga talabalar xavfsizligini ta’minlash, mavjud tizimlarni samarali tashkil etish hamda belgilangan vazifalar ijrosiga jiddiy va mas’uliyat bilan yondashish bo‘yicha tegishli topshiriqlar berildi. Topshiriqlar ijrosi qat’iy nazoratga olinishi ta’kidlandi.
Talabalarning xavfsizlik masalalari bo‘yicha tezkor murojaat qilish imkoniyatini ta’minlash maqsadida filialda mas’ul xodimlarning telefon raqamlari ko‘rsatilgan maxsus «XAVFSIZ TALABA» bannerlari joriy etildi.
Xavfsizlik – har birimizning mas’uliyatimiz!
Birgalikda xavfsiz, sog‘lom va qulay ta’lim muhitini yaratamiz.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
2-oktabr kuni S.A. Gerasimov nomidagi Butunrossiya davlat kinematografiya universitetida IV Xalqaro talabalar festivali – «Yuksalish»ning taqdirlash marosimi bo‘lib o‘tdi.
Rejissura kino va televideniye yo‘nalishi 4-bosqich talabasi Habibullayeva Shirinning «Oq klavishlar» filmi «Eng yaxshi ovoz rejissyori ishi» nominatsiyasida g‘oliblikni qo‘lga kiritdi.
Shirin Habibullayevani ushbu yutuq bilan tabriklaymiz va kelgusi ijodiy faoliyatida yangi muvaffaqiyatlar tilaymiz!
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
1-oktabr kuni S.A. Gerasimov nomidagi Butunrossiya davlat kinematografiya universitetida IV Xalqaro talabalar festivali – «YUKSALISH» doirasidagi tadbirlar davom etmoqda.
Festivalning uchinchi kunida ishtirokchilar uchun mahorat darslari, xalqaro ilmiy-amaliy konferensiya hamda filmlar ko‘rigi tashkil etilmoqda.
BDKU Toshkent filiali delegatsiyasi ham festival tadbirlarida faol ishtirok etmoqda.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
S.A. Gerasimov nomidagi Butunrossiya davlat kinematografiya universitetining Toshkent shahridagi filialida 2026–2027 o‘quv yili uchun “Qo‘shimcha professional ta’lim” dasturlariga qabul OCHILDI!
Ta’lim quyidagi yo‘nalishlar bo‘yicha ijodiy ustaxona rahbarlari tomonidan olib boriladi:
Kinooperatorlik — professor I.M. Meliqo‘ziyev ijodiy ustaxonasi
Prodyuserlik — F.Y. Krivosheyev ijodiy ustaxonasi
Aktyorlik mahorati — J.J. Zakirov ijodiy ustaxonasi
Kino va televideniye rejissurasi — professor E.M. Ishmuhamedov ijodiy ustaxonasi
Animatsiya va kompyuter grafikasi rejissurasi — D.G. Vlasov ijodiy ustaxonasi
Dramaturgiya — E.I.Xasanova ijodiy ustaxonasi
Kurs yakunida diplom beriladi.
Qabul komissiyasiga taqdim etiladigan hujjatlar:
• Pasport nusxasi
• Oliy ma’lumot to‘g‘risidagi diplom yoki kollej diplomi nusxasi
• 3×4 o‘lchamdagi 6 dona fotosurat
O‘z ijodiy salohiyatingizni professional darajada rivojlantiring!
Ma’lumot uchun:
+998 99-855-74-20
+998 99-147-22-66
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook