#Quvonchli xabar!

    S.A. Gerasimov nomidagi Butunrossiya davlat kinematografiya universitetining Toshkent shahridagi filiali yana bir muhim yutuqqa erishdi!
    2024-yil 28-dekabr kuni filial xalqaro akkreditatsiyadan muvaffaqiyatli o‘tgan edi.

    Endilikda filial O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi Akkreditatsiya komissiyasining ijobiy xulosasi asosida rasman davlat akkreditatsiyasidan ham muvaffaqiyatli o‘tdi.
    Mazkur yutuq filial rahbariyatining izchil sa’y-harakatlari, professor-o‘qituvchilar va xodimlarning fidokorona mehnati hamda ta’lim sifatini milliy va xalqaro standartlar asosida yuksaltirish yo‘lida olib borilgan samarali faoliyatining yorqin natijasidir.

    Barcha professor-o‘qituvchilar, xodimlar, talabalar va bitiruvchilarni ushbu muhim yutuq bilan samimiy tabriklaymiz!

   «S.A. Gerasimov nomidagi Butunrossiya davlat kinematografiya universiteti» Toshkent filiali axborot xizmati

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

“Yangi O‘zbekiston yoshlari” bitiruv oqshom


    2026-yil 6-iyul kuni «S.A. Gerasimov nomidagi Butunrossiya davlat kinematografiya universiteti» Toshkent filialida 2025-2026-o‘quv yili bitiruvchilariga bag‘ishlangan “Yangi O‘zbekiston yoshlari” tantanali bitiruv marosimi bo‘lib o‘tdi.
    Tadbirda O‘zbekiston Respublikasi madaniyat vazirining birinchi o‘rinbosari A.B. Tadjixanov, O‘zbekiston Respublikasi Madaniyat vazirligi huzuridagi Kinematografiya agentligi direktori Sh.T. Rizayev, filial direktori, professor I.M. Meliqo‘ziyev, Rossiya Federatsiyasining O‘zbekiston Respublikasidagi Elchixonasi birinchi kotibi A.B. Naniyeva, VGIK o‘quv-uslubiy va tarbiyaviy ishlar bo‘yicha prorektori I.V. Korotkov hamda ssenariyshunoslik va kinoshunoslik fakulteti dekani V.V. Marusenkov ishtirok etdi.
    Tadbir davomida faxriy mehmonlar bitiruvchilarni samimiy tabriklab, ularga kelgusi faoliyatida ulkan zafarlar, ijodiy yutuqlar va kasbiy muvaffaqiyatlar tiladilar.

    «S.A. Gerasimov nomidagi Butunrossiya davlat kinematografiya universiteti» Toshkent filiali axborot xizmati

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

30-iyun – Yoshlar kuni

    Hurmatli yoshlar!

    Sizlarni 30 iyun – Yoshlar kuni munosabati bilan chin qalbimdan tabriklayman!

    S.A. Gerasimov nomidagi BDKU Toshkent filialida siz olgan bilim va ko‘nikmalar nafaqat shaxsiy rivojlanishingizga, balki milliy kinematografiyamiz taraqqiyotiga ham ulkan hissa qo‘shishiga ishonaman.

    Biz bir ijodiy jamoamiz! Bir-birimizni qo‘llab-quvvatlab, bir maqsad sari intilamiz. Sizning muvaffaqiyatingiz – bu hammamizning yutug‘imiz.

    Hurmat bilan,
    Filial direktori, professor
    I.M. Meliqo’ziyev

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

#BitiruvchilarOnKunligi

    S.A. Gerasimov nomidagi Butunrossiya davlat kinematografiya universitetida 2026-yil 3–9-iyun kunlari “Ijodiy oliygohlar bitiruvchilari uchun Butunrossiya o‘n kunligi” loyihasi doirasida kinematografiya yo‘nalishi bo‘yicha qator tadbirlar bo‘lib o‘tmoqda.
    Mazkur tadbirlarda BDKU Toshkent filiali delegatsiyasi ham faol ishtirok etmoqda. Delegatsiya tarkibidan filial direktorining o‘rinbosari, professor-o‘qituvchilar, filial bitiruvchilari hamda “Aktyorlik san’ati” yo‘nalishi talabalari o‘rin olgan.
    Tadbirlar davomida ishtirokchilar ijodiy uchrashuvlar, mahorat darslari, film namoyishlari va professional muloqotlarda qatnashib, tajriba almashish imkoniyatiga ega bo‘lmoqdalar.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

#hamkorlik #uchrashuv


    2026 yil 5 iyun kuni S.A. Gerasimov nomidagi BDKU Toshkent shahar filiali vakillari Yunus Rajabiy nomidagi O‘zbek milliy musiqa san’ati institutiga tashrif buyurib, ta’lim jarayoni, institut faoliyati hamda talabalar uchun yaratilgan ijodiy sharoitlar bilan yaqindan tanishdilar.

    Uchrashuv davomida kinematografiya va musiqa san’ati yo‘nalishlarida hamkorlikni rivojlantirish, qo‘shma ijodiy loyihalarni amalga oshirish, talaba va professor-o‘qituvchilar o‘rtasida tajriba almashish imkoniyatlarini  kengaytirish masalalari muhokama qilindi.
    Tomonlar milliy madaniyat va san’atni targ‘ib etishga qaratilgan hujjatli hamda badiiy filmlar yaratish, musiqa va kino san’ati uyg‘unligiga asoslangan yangi loyihalarni amalga oshirish yuzasidan fikr almashdilar.
    Tadbir doirasida O‘zMMSI talabasi Jamshid Hamroyev va BDKU Toshkent filiali talabasi Mohlaroyim Qo‘chqorova hamkorligida yaratilgan “Rajabiy kodi: Maqomning raqamli xotirasi” film loyihasi taqdim etildi.
    Mazkur uchrashuv ta’lim, maqom va kinematografiya sohalari integratsiyasini mustahkamlash, yosh ijodkorlarning salohiyatini ro‘yobga chiqarish hamda milliy madaniy merosni zamonaviy kreativ texnologiyalar orqali targ‘ib etish yo‘lidagi muhim qadam bo‘ldi.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

#rahbar_va_yoshlar_uchrashuvi

    2026-yil 4-iyun kuni Yoshlar kuni munosabati bilan filial direktori, professor I.M. Meliqo‘ziyev talabalar bilan uchrashdi.
    1 oy avval Qoraqalpog‘iston Respublikasidan kelib tahsil olayotgan talabalar tomonidan ko‘tarilgan moliyaviy muammolar homiylar ko‘magida hal etildi. Natijada bir oy davomida maxsus dekoratsiya qurilib bitkazildi va talabalarga kurs ijodiy ishlarini professional sharoitlarda suratga olish imkoniyati yaratildi.

    Xususan, Qoraqalpog‘iston Respublikasidan kelib tahsil olayotgan “Kinooperatorlik” yo‘nalishi 3-bosqich talabasi Tolibayev Sultan hamda “Rejissura: kino va TV” yo‘nalishi 3-bosqich talabasi Ataniyazov Abay tomonidan “Amadey” badiiy filmidan sahna ko‘rinishi suratga olinmoqda.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook