BDKU Toshkent
Toshkentda xalqaro forum doirasida mehmonlar va delegatsiyalarni rasmiy tartibda kutib olish jarayoni amalga oshirilmoqda.
Ishtirokchilar S.A. Gerasimov nomidagi Butunrossiya davlat kinematografiya universiteti Toshkent shahar filialida bo‘lib o‘tayotgan ilmiy-amaliy anjuman hamda “Karyera kuni” tadbirlarida ishtirok etmoqda.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
Joriy yilning 18–20-may kunlari Toshkent shahrida ilk bor o‘tkazilayotgan “Musiqa ta’limi: jahon miqyosida yagona maydon sari” mavzusidagi yirik xalqaro forum o‘z ishini boshladi.
Mazkur forumda dunyoning 20 ga yaqin davlatidan 200 nafarga yaqin xorijiy va mahalliy ishtirokchilar qatnashmoqda.
Uch kun davom etadigan forumda Turkiya, Rossiya, Ozarbayjon, Qozog‘iston, Qirg‘iziston, Xitoy, Koreya, AQSh, Fransiya, Indoneziya, Buyuk Britaniya, Yaponiya, Kanada, Italiya, Vengriya, Tojikiston hamda Armanistondan nufuzli olimlar, 20 dan ortiq xorijiy oliy ta’lim muassasalari rektorlari, prorektorlar, professor-o‘qituvchilar, PhD olimlar, dekanlar, etnomuzikologlar, tadqiqotchilar, madaniyat markazlari rahbarlari, talabalar va OAV vakillari ishtirok etmoqda.
S.A. Gerasimov nomidagi Butunrossiya davlat kinematografiya universiteti Toshkent filiali direktori, professor I.M. Meliqo’ziyev hamda filial professor-o‘qituvchilari ham ushbu xalqaro forumda ishtirok etishdi.
Shuningdek, Rossiya Federatsiyasida xizmat ko‘rsatgan artist, teatr va kino aktyori, BDKI aktyorlik mahorati yo‘nalishi ijodiy ustaxonasi rahbari F.B. Mahmudov ham forumda ishtirok etdi.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
2026-yil 8-may kuni “9-may – Xotira va qadrlash kuni” munosabati bilan filialimizda ma’naviy-ma’rifiy va bayramona tadbir yuqori saviyada tashkil etildi. Tadbir davomida yurtimiz tinchligi va xalqimiz farovonligi yo‘lida fidokorona xizmat qilgan ajdodlarimiz xotirasi chuqur ehtirom bilan yod etildi.
Tadbirda professor-o‘qituvchilar, talaba-yoshlar hamda faxriy mehmonlar ishtirok etdilar. Bayram dasturi doirasida talabalar tomonidan tayyorlangan sahna ko‘rinishlari namoyish etilib, urush va mehnat faxriylarining jasorati, Vatanga sadoqati hamda bugungi tinch hayotimizning qadri yoritib berildi.
Tadbirda Toshkent shahar Chilonzor tumani Qurolli Kuchlar faxriylar Kengashi raisi mayor Abdusalom Abduxalikov yoshlar bilan uchrashib, vatanparvarlik, ajdodlar xotirasiga hurmat va yurt tinchligini asrashning ahamiyati haqida samimiy fikrlarini bildirdi.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
2026-yil 1-may kuni O‘zbekiston Respublikasi Prezidenti Shavkat Mirziyoyevning 2026-yil 7-apreldagi jismoniy tarbiya va sport sohasida belgilangan ustuvor vazifalar ijrosini ta’minlash maqsadida muhim hamkorlik yo‘lga qo‘yildi.
S.A. Gerasimov nomidagi Butunrossiya davlat kinematografiya universiteti Toshkent shahar filiali direktori, professor I.M. Meliqo‘ziyev hamda Yunus Rajabiy nomidagi O‘zbek milliy musiqa san’ati instituti rektori, professor E.U. Shermanov o‘rtasida hamkorlik memorandumi imzolandi.
Mazkur memorandum doirasida:
— talabalar o‘rtasida hamkorlikni yo‘lga qo‘yish,
— qo‘shma loyihalar va ijodiy ishlarni amalga oshirish,
— ta’lim va madaniyat sohasida tajriba almashish ko‘zda tutilgan.
Mehmonlarga filialda yaratilgan barcha zamonaviy sharoitlar, jumladan fotopavilyonlar va o‘quv bazalari tanishtirildi.
Ushbu hamkorlik yoshlar uchun yangi imkoniyatlar eshigini ochadi!
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
2026-yil 28-aprel kuni Rossiya Federatsiyasi Fan va oliy ta’lim vazirligi Xalqaro hamkorlik departamenti bo‘lim boshlig‘i Robert Fedorov hamda O‘zbekistonda faoliyat yuritayotgan Rossiya oliy ta’lim muassasalari filiallari rahbarlari ishtirokida yig‘ilish tashkil etildi.
Yig‘ilish davomida filiallar tarmog‘ini rivojlantirish, 2026-yil qabul komissiyasidagi o‘zgarishlar, oliy ta’lim va ilm-fan tizimini rivojlantirish, Rossiya va O‘zbekiston o‘rtasidagi ilmiy-ta’limiy aloqalarni mustahkamlash hamda xalqaro hamkorlik masalalari muhokama qilindi.
Yig‘ilishda Rossiya Federatsiyasining O‘zbekiston Respublikasidagi elchixonasi, O‘zbekiston Respublikasi Oliy ta’lim, fan va innovatsiyalar vazirligi vakillari ham ishtirok etdilar.
Shuningdek, unda BDKU Toshkent filiali direktori, professor I.M. Meliqo’ziyev hamda o‘quv-tarbiyaviy ishlar bo‘yicha direktor o‘rinbosari A.V. Xmirov ishtirok etdi.
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook
O‘zbekiston Respublikasi Prezidentining 2026-yil 21-apreldagi PQ-150-son qarori — “Madaniyat va san’at sohasida boshqaruv tizimini takomillashtirish hamda xusus sektor ishtirokini rag‘batlantirish chora-tadbirlari to‘g‘risida”gi hujjat qabul qilinishi mamlakatimizda madaniyat va san’at sohasini yangi bosqichga olib chiqishda muhim huquqiy asos bo‘lib xizmat qiladi.
Ushbu qarorning 11-bandiga alohida e’tibor qaratgan holda, aytish joizki, 2026-yil 1-avgustdan boshlab madaniyat va san’at sohasida nodavlat hamda xususiy sektor ishtirokini kengaytirishga qaratilgan mazkur qaror soha rivoji va yoshlar uchun beqiyos imkoniyatlar eshigini ochadigan tarixiy qadamdir.
Shu kungacha ayniqsa ta’lim bilan bog‘liq san’at yo‘nalishlarida bunday keng qamrovli va tizimli qo‘llab-quvvatlash mexanizmlari yetarli darajada mavjud emas edi. Yangi joriy etilayotgan grantlar tizimi esa teatr, kino, animatsiya, musiqa, raqs va boshqa ijodiy sohalarda faoliyat yuritayotgan yoshlar uchun mutlaqo yangi imkoniyatlar eshigini ochadi.
Ayniqsa, startaplar, ijodiy loyihalar, innovatsiyalar va sun’iy intellekt kabi zamonaviy yo‘nalishlarga alohida e’tibor qaratilayotgani bu sohaning nafaqat buguni, balki ertangi kuni uchun ham mustahkam poydevor yaratadi. Bu esa yosh ijodkorlarning o‘z g‘oyalarini erkin amalga oshirishi va yangi format hamda yondashuvlarni sinab ko‘rishi uchun katta imkoniyatdir.
Shuningdek, san’at va madaniyat sohasida inklyuzivlik hamda ijtimoiy yo‘nalishlarni qo‘llab-quvvatlash orqali jamiyatdagi barcha qatlamlar uchun teng imkoniyatlar yaratilishi ham ushbu qarorning muhim jihatlaridan biri hisoblanadi.
Ishonamanki, ushbu qaror nafaqat madaniyat va san’at sohasining rivojiga, balki yosh avlodning ijodiy salohiyatini ochishga, ularni qo‘llab-quvvatlashga va milliy madaniyatimizni yangi bosqichga olib chiqishga xizmat qiladi.
S.A. Gerasimov nomidagi Butunrossiya davlat kinematografiya universitetining Toshkent shahar filiali direktori, professor
I.M. Meliqo’ziyev
Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook