Rahbar va yoshlar uchrashuvi

 

    2026-yil 12-mart kuni S.A. Gerasimov nomidagi Butunrossiya davlat kinematografiya universiteti Toshkent filialida har payshanba o‘tkaziladigan “Yoshlar kuni” doirasida talabalar uchun 5 ta sport yo‘nalishi bo‘yicha zamonaviy sport anjomlari bilan jihozlangan maxsus xona foydalanishga topshirildi.

    Shuningdek, tadbir davomida faol sportchi talabalarga alohida e’tibor qaratilib, filial direktori, professor I.M. Meliqo‘ziyev tomonidan sport musobaqalarida faol qatnashib yuqori natijalarni qo‘lga kiritgan talabalarga maxsus sertifikatlar topshirildi.

    Bu tashabbus talabalarning sog‘lom turmush tarzini shakllantirish, sportga bo‘lgan qiziqishini oshirish va yoshlarni muntazam shug‘ullanishga rag‘batlantirishga xizmat qiladi.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

Yoshlar tashabbuslarini qo‘llab-quvvatlashga qaratilgan yana bir muhim qadam

   

    2026-yil 24-fevral kuni O‘zbekiston Respublikasi Prezidenti Shavkat Mirziyoyev raisligida yoshlar tashabbuslarini qo‘llab-quvvatlash bo‘yicha qo‘shimcha imkoniyatlarga bag‘ishlangan yig‘ilishda belgilangan vazifalar ijrosini ta’minlash maqsadida, 2026-yil 12-mart kuni S.A. Gerasimov nomidagi Butunrossiya davlat kinematografiya universiteti Toshkent filialida har payshanba kuni o‘tkaziladigan “Yoshlar kuni” doirasida muhim tashabbus amalga oshirildi.

    Filial direktori, professor I.M. Meliqo‘ziyev hamda direktor o‘rinbosarlari boshchiligida talabalar uchun 5 ta sport yo‘nalishi bo‘yicha zamonaviy sport anjomlari bilan jihozlangan maxsus xona foydalanishga topshirildi.

    Mazkur xonada sport mashg‘ulotlari uchun barcha zarur sharoitlar yaratilgan bo‘lib, filial sportchi talabalari hamda ularning sportdagi yutuqlari aks etgan suratlar ham joylashtirilgan.

    Ushbu tashabbus talabalarning sog‘lom turmush tarzini shakllantirish, ularning bo‘sh vaqtini mazmunli tashkil etish hamda sportga bo‘lgan qiziqishini yanada oshirishga xizmat qiladi.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

Rahbar va yoshlar uchrashuvi

 

     2026-yil 24-fevral kuni O‘zbekiston Respublikasi Prezidenti Shavkat Mirziyoyev raisligida yoshlar tashabbuslarini qo‘llab-quvvatlash bo‘yicha qo‘shimcha imkoniyatlarga bag‘ishlangan yig‘ilishda belgilangan vazifalar ijrosini ta’minlash maqsadida, 2026-yil 5-mart kuni S. A. Gerasimov nomidagi Butunrossiya davlat kinematografiya universiteti Toshkent filialida direktor, professor I. M. Meliqo‘ziyev talabalar bilan uchrashuv o‘tkazdi.

      Uchrashuvda direktor o‘rinbosarlari hamda kafedra mudiri ham ishtirok etdi.

     Filialda talabalar o‘rtasida sog‘lom turmush tarzini targ‘ib qilish va sport bilan muntazam shug‘ullanish imkoniyatlarini kengaytirish maqsadida turli sport to‘garaklari tashkil etildi. Mazkur to‘garaklar faoliyatini samarali yo‘lga qo‘yish uchun filial hududida maxsus xonalar ajratildi.

      Shuningdek, talabalarni zarur sport jihozlari bilan ta’minlash hamda sport zallari bilan hamkorlikni rivojlantirish bo‘yicha muzokaralar olib borildi.

      Har payshanba kuni o‘tkaziladigan “Yoshlar kuni” doirasida talabalar bilan ochiq muloqotlar va yoshlar tashabbuslarini qo‘llab-quvvatlashga qaratilgan uchrashuvlar davom ettirilmoqda.

    Kirib kelayotgan 8-mart — Xalqaro xotin-qizlar bayrami munosabati bilan filialning talaba-qizlari hamda ayol o‘qituvchi va xodimlari samimiy tabriklanib, filial direktori tomonidan esdalik sovg‘alari topshirildi.

 

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

Rahbar va yoshlar uchrashuvi

 

     2026-yil 24-fevral kuni O‘zbekiston Respublikasi Prezidenti Shavkat Mirziyoyev raisligida yoshlar tashabbuslarini qo‘llab-quvvatlash bo‘yicha qo‘shimcha imkoniyatlarga bag‘ishlangan     yig‘ilishda belgilangan vazifalar ijrosini ta’minlash maqsadida, 2026-yil 5-mart kuni S. A. Gerasimov nomidagi Butunrossiya davlat kinematografiya universiteti Toshkent filialida direktor,    professor I. M. Meliqo‘ziyev tomonidan talabalar bilan uchrashuv o‘tkazildi.

     Tadbir filialda har payshanba kuni o‘tkaziladigan “Yoshlar kuni” doirasida tashkil etildi. Uchrashuvda Aloqabank innovatsion menejerlari S. S. Allanazarov va A. R. Ibrohimxodjayev ishtirok etib, talabalarga yoshlar tashabbuslarini qo‘llab-quvvatlash imkoniyatlari haqida ma’lumot berdilar.

    Tadbir davomida Prezident tomonidan ilgari surilgan chora-tadbirlar, jumladan “32 tashabbus” dasturi, startap loyihalarni rivojlantirish hamda startup workshop tashabbuslari haqida tushunchalar berildi. Shuningdek, talabalarga imtiyozli ta’lim va startap kreditlari haqida ma’lumot berildi.

    Kirib kelayotgan 8-mart — Xalqaro xotin-qizlar bayrami munosabati bilan talabalar hamda o‘qituvchi-xodimlar samimiy tabriklanib, ularga filial direktori tomonidan esdalik sovg‘alari topshirildi.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

Zamonaviy texnika – yangi imkoniyat

    2026-yil 28-fevral kuni filial direktori, professor I. M. Meliqo‘ziyev 1-bosqich Oliy kinooperatorlik kursi talabalari bilan ochiq muloqot o‘tkazdi.

    Uchrashuv davomida talabalar uchun professional tasvirga olish texnikasini xarid qilishda moddiy imkoniyatlar cheklanganligi inobatga olinib, amaliy ko‘mak masalalari muhokama qilindi.

    Natijada, “Kinolab” AI kinostudiyasi bilan hamkorlik doirasida talabalar zamonaviy texnik jihozlardan doimiy foydalanish imkoniyatiga ega bo‘ldilar.

    Shuningdek, “Kinooperatorlik mahorati” fanidan ma’ruza-amaliy mashg‘ulot ham tashkil etildi.

    Mazkur tashabbus talabalar bilim va ko‘nikmalarini mustahkamlash, ularning professional rivojlanishiga xizmat qiladi.

 

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook

Ochiq muloqot va ijodiy tashabbuslarni qo‘llab-quvvatlash

 

   2026-yil 27-fevral kuni filial direktori, professor I. M. Meliqo‘ziyev 2-kurs Kinooperatorlik yo‘nalishi talabalari bilan ochiq muloqot o‘tkazdi.

    Uchrashuv davomida talabalar tomonidan bildirilgan muammolar va takliflar tinglandi, ularning ijodiy ishlari ko‘rib chiqildi.

    Muloqot yakunida kurs talabalari ijodiy ishlarining ko‘rgazmasini tashkil etish hamda uni yuqori saviyada o‘tkazish uchun zarur shart-sharoitlarni yaratib berish bo‘yicha kelishuvga erishildi.

Youtube sahifamizga havola: Youtube | Telegram sahifamizga havola: ВГИК Ташкент | Facebook sahifamizga havola: Facebook