BDKU Toshkent
2024-yil 10 sentyabr BDKU Toshkent filiali direktori, professor I.M.Meliqo‘ziyev Toshkent halqaro festival doirasida BDKU kunlari bo‘lib o‘tishi munosabati bilan direktor o’rinbosarlari,dekan va dekan o’rinbosarlari bilan BDKU kunlari bo‘yicha ma’sul talabalar va professor va o‘qituvchilarni biriktirish va ta’minlash bo’yicha topshiriq berdi.
S.A.Gerasimov nomidagi Butunrossiya davlat kinematografiya universiteti Toshkent shahridagi filialida 9-sentyabr kuni talabalarni kutib olish tadbiri bo’lib o’tdi.
Tadbirda O’zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev qatnashdi va nutq so’zladi. Shuhrat Rizayev 1-kursga qabul qilingan talabalarni tabrikladi.
Shundan so’ng filial direktori, professor Iqbol Meliqo‘ziyev barcha talabalarni yangi o’quv yili bilan tabrikaldi. Professor Iqbol Meliqo‘ziyev boshchiligida tayyorlangan dastur bo’yicha talabalikka qabul qilingan 1-kurs talabalari o’quv kinoteatriga taklif qilindi. Talabalarga BDKU ning 105 yilligi uchun tayyorlangan film namoyish etildi.
Shundan so’ng 1-kurs talabalariga filial o’quv ustaxonalari, Renessans kino uyi va O’zbekfilm kinostudiyasi tanishtirildi.
Shuningdek, o’quv yilining birinchi kuni filialda Mustaqillik darslari tashkil qilindi.
Videoga havola: BDKU Toshkent telegram
2024 yil 7 sentyabr BDKU Toshkent filiali direktori , professor I.M.Meliqo‘ziyev boshchiligida universitet professor va o‘qituvchilari «Diydor» teatr studiyasida Baxodir Yo‘ldoshev va Rima Axmedova xotiralariga bag‘ishlangan “Uchburchak” nomli spektaklning yopiq premyerasida qatnashdilar.
Badiiy raxbar va rejissyor: Bobur Yo‘ldoshev.
«Sizlar bilan Toshkentda uchrashishni intiqib kutyapman»
Taniqli hind aktrisasi Hema Malini Toshkent kinofestivali muxlislariga video murojaat yo’lladi.
«Taklif uchun rahmat. Tez orada Toshkentda uchrashishni intiqlik bilan kutyаpman», deydi hind yulduzi.
Milliy kinematografiyani rivojlantirish markazi Axborot xizmati
🎞Toshkent kinofestivalida namoyish etilishi kutilayotgan film: «Muz-3»
«Ipak yo’li durdonasi» XVI Toshkent xalqaro kinofestivali davomida Rossiya kino kunlari bo’lib o’tadi. Uning doirasida Yuriy Xmelnitskiy rejissyorligidagi «Muz-3» filmi namoyish etiladi.
«Muz 3» – bu sport, romantik, komediya dramasi bo’lib, to’liq metrajli film hisoblanadi. Aleksandr Petrov va Mariya Aronova bosh rollarni ijro etgan. Film «Muz» va «Muz-2» hikoyalarining davomi bo’lib, avvalgilari singari blokbasterga aylangan va kassada 20 mln dollardan ortiq daromad keltirgan.
Milliy kinematografiyani rivojlantirish markazi Axborot xizmati
Vidoega havola ВГИК Ташкент
🎉05.09.2024🎬🇺🇿🇷🇺🎥 «Renessans» kinochilar uyida Mustaqilligimizning 33 yilligi va S.A.Gerasimov nomidagi BDKU ning 105 yillik yubileyi bo’lib o’tdi.
Tantanali tadbirda O’zbekiston Respublikasi Madaniyat vazirining birinchi o’rinbosari Avaz Tadjixanov, Madaniyat vazirligi huzuridagi Kinematografiya agentligi direktori Shuhrat Rizayev, BDKU veteranlar jamoasi a’zolari ishtirok etishdi.
Tadbir davomida filialda yangi ochilgan ijodiy ustaxonalar, festivalga tayyorgarlik jarayonlari va talabalar uchun yaratilgan barcha yangi qulayliklar bilan tanishishdi.
BDKU Toshkent filiali direktori , professor I.M.Meliqo’ziyev boshchiligida universitet talabalari o’z chiqishlarini namoyish etishdi.
